((( الشمس و القمر )))

هنتكلم إن شاء الله انهارده و هنتناقش عن الصفات الاساسية الخاصة بالرجل .. و الصفات الاساسية الخاصة بالمرأة
كل واحد من الاتنين ليه شخصية تختلف بعض الشيء عن الشخص الاخر ... نظراً لاختلاف الذكر عن الانثى
فالمرأة مثلا عاطفية جداااا و قد جعل الله بها هذه الصفة لأنها ستكون أم و اخت وزوجة و ستكون هيا مصدر الدفيء الروحاني و السكن النفسي ستكون هي الصدر الحنون للزوج و لابن و للاخ
أما الرجل فهو ايضاً عاطفي ولكن ليس بنفس درجة المرأة و هذه هي الطبيعة التى خلقها الله سبحانه و تعالى للاثنين ...



الغلط اللى بيحصل ايه ؟؟؟!!

ان المرأة تتعامل مع الرجل على انه امرأة ... ازاي ؟؟!!
هنقول يعني مثلا البنت بتفكر بطريقة غير طريقة الرجل ... هيا تقدر انها ترد على التليفون و مشغلة الغسالة و بتطبخ و تعمل كذا حاجة في وقت واحد ..
بينما الرجل هيا حاجة واحدة ... هيركز في شغله ..ي هيقرأ مثلا في كتاب ..لكن مثلا يأكل ابنه و يرد على التليفون في وقت واحد غالبا مبيكملش و يديهولها
خدي ابنك ...
المهم تيجي هنا المرأة تقول للرجل افتح الباب و هات كذا مش عارفة منين و عايزة رأيك في الموضوع الفلاني ...وووو
فبتتعامل على انه امرأة بيفكر بطريقتها ..و ده غلط ...
علشان كده قبل ما أقبل على الزواج لازم أعرف شريك عمري و حياتي .. رفيقي في الدنيا و الاخرة ... طبيعته كرجل ايه ؟؟
بيفكر ازاي ؟؟
مداخله منين ؟؟
الراجل بيحب ايه و بيكره ايه ؟؟
في صفات عامة اساسية في كل الرجل لازم نعرفها علشان نعرف نتعامل صح و بذكاء ...

أنت كمان لازم تعرف شريكة عمرك ..و حياتك .. و فتاة أحلامك
صفاتها الاساسية كامرأة ايه ؟؟
مداخلها منين ؟؟
بتفكر ازاي ؟؟
ايه أكتر حاجة ممكن تاثر فيها ؟؟؟
بتحب ايه و بتكره ايه ؟؟
علشان تقدر تتعامل بذكاء و تتعامل صح ...

لأن أنت من حقك تعيش مبسوط و سعيد ... و هيا من حقها تعيش سعيدة و مبسوطة ...



و تعالوا نشوف كده المثال ده:

انا مثلا اشتريت جهاز جديد ... و مش عارفة عنه حاجة فقلت ايه هقوم اجرب كده اشغله
فقمت طلعته من كرتونته و وصلته في فيشة الكهرباء ..فلقيت وصلات كتير طيب هتروح فين دي ؟؟؟
فقمت وصلت وصلة في مكان غلط فسمعت فرقعة أوباااا
جيت توصل واحدة تانية في مكان تاني طلع لك انذار
ففضلت تقول اعمل ايه اعمل ايه لحد ما قربت تبوظ الجهاز
و غير كده ما استمتعش بإيه
و نسيت اهم حاجة ..... انه معاه كتالوج
الكتالوج ده لو فتحته معرفك كل وصلة فين و طبيعة الجهاز ايه
و ميتعرضش للماء و ميتحطش فوقه حاجة و يتفصل كل اد ايه ....... و كل الحاجات ديه

أهو بالظبط نفس الفكرة ديه لازن نطبقها لما نيجي نتجوز ...
لازم اعرف
الكتالوج الخاص بالرجل ... و الكتالوج الخاص بالمرأة
كل كتالوج فيه صفات و طبيعة كل واحد ..؟
فيه ازاي تتعامل معاه ..؟؟
فيه كل حاجة عنه
فأقدر أتعامل معاه صح ...ولا انتوا ايه رأيكم ؟؟!!



((( طبعاً الكل بيسأل ايه علاقة الشمس والقمر بالرجل و المرأة ؟؟؟ )))

أولا :
كنت سمعت أحد المفسرين قال أن الشمس فس الرؤية زوجة صالحة
و القمر زوج صالح ..و كان قايلها زمااااان تعليقا على سورة يوسف و تفسير الرؤى و كده .. أنا مش عارفة هيا صح ولا غلط ..
و الله أعلم

المهم ..
ثانيا :
السبب في اختيار الشمس و القمر
اننا منقدرش نستغنى عن حاجة فيهم أبداااااااااااااا
و الاتنين وظيفتهم واحدة بس في وقت مختلف
بمعنى الاتنين ضياااااااااااء
بس الشمس بالنهار ... و القمر بالليل
و((الشمس )) هي (( المرأة ))
و(( القمر )) هو(( الرجل ))

فالشمس أي المرأة لها نفس وظيفة القمر أي الرجل

و هي عبادة الله تعالى و الاصلاح في الارض و لكن الشمس تكون بالنهار و لها طبيعة مختلفة تجعلها تقوم بدورها ... و القمر يكون بالليل و له طبيعة مختلفة عن الشمس أيضا تسهل له القيام بدوره

فالمرأة بيكون لها دور مختلف عن دور الرجل ..طبيعة كل واحد يسرت له و سهلت له القيام بدوره ...و الشمس و القمر هما سر النور و الضياء و الاشراقة و الامل في الحياه
ولا يمكن الاستغناء عنهم
ولا يمكن للقمر ان يعيش وحده .. ولا يمكن للشمس أن تعيش وحدها

أهداف الموضوع:

نريد اننا نعرف كل طرف على الطرف الاخر قبل الاقدام على الزواج ...
بحيث يقدر يمشي صح .. و يطبق هف الزواج و هو عبادة الله و ارضائه و تكملة نص دينه و تطبيق سنة الحبيب صلى الله عليه وسلم ... و للعفة و لقيام الدولة الاسلامية فالدولة عبارة عن افراد الافراد يكونوا اسر ... نعين بعض على الطاعة ...
و لكي نحصل الاستقرار النفسي ... و السكن العاطفي و الهدوء النفسي و الروحاني .. و ده بيعطي للانسان طاقة و شحنة ايمانية رهيييييييييبة انه ينطلق و يكون بطل ...
و نعيش في دفء و حب و مودة و حنان ورحمة
و تفضل بيوتنا ماليها الحب و التفاهم لانها في رضى الله

و المطلوب الان...:

هو أن كل واحد و واحدة يبدأوا يشاركونا
بأرائهم .. و الصفات الاساسية للرجل و المرأة ..
عايزين المرأة تقول تحب زوجها يعاملها ازاي ...؟؟ و طبيعتها ايه ..؟؟و محتاجة زوجها يعاملها ازاي بحيث يكون سعيد و هيا سعيدة ..؟؟
و كذلك الرجل يقول يحب زوجته تعامله ازاي ...؟؟ و طبيعته ايه ..؟؟و محتاجة زوجها يعاملها ازاي ... بحيث يكون سعيد و تكون سعيدة ...؟؟